Əməliyyat zamanı qan itkisi və qan köçürülməsi haqqında

Standart bud-çanaq oynağı endoprotezləşdirilməsi zamanı qan itkisi təxminən 300-500 mililitr olur və insanların böyük əksəriyyəti heç bir ciddi problem olmadan buna dözür­­­. Bəzi klinikalarda əməliyyatı drenaj qoymaqla yekunlaşdırırlar­, yəni yaraya drenaj boru qoyulur ki, bunun vasitəsilə əməliyyatdan bir gün sonra da qan axıntısı davam edir­ və bu vəziyyətdə toplam ­qan itkisi daha 200-300 mililitr artıq olacaqdır. İnsanların bu cür qan itkisinə dözümlülüyü müxtəlif cürdür: bəziləri­ özlərini əla hiss edir, çoxları yaxşı, amma bir çoxu əməliyyatdan sonra ilk iki gündə zəiflik və­ başgicəllənmə hiss edə bilərlər. Qan itkisi adi haldan çox olarsa və ya əməliyyatdan sonrakı qan azlığına yaxşı dözə bilməsəniz­, həkim sizə qan köçürə bilər. Bu, özünüzü daha yaxşı hiss etmək, sizi daha tez ayağa qaldırmaq və ağırlaşma riskini azaltmaq üçündür­ (məsələn, ürək xəstəliyi olan, infarkt və ya insult keçirməyə meylli xəstələr üçün əməliyyatdan sonrakı anemiya çox vaxt arzuolunmazdır­).

Bəzən, əvvəlcədən bilinən ağır əməliyyat olanda ­qan köçürülməsinə ehtiyac olacağı artıq dərhal aydın olur və həkim bunu əvvəlcədən planlaşdıracaqdır. Əgər qan köçürülməsinə namizədsinizsə­, onda bir neçə seçiminiz var.

Autogen qan köçürülməsi. Bu üsulda qanınızı əvvəlcədən özünüz verirsiniz və sonradan sizə elə öz qanınızı köçürürlər. Lazım gələrsə, həkimlər qan köçürmə mərkəzində və ya başqa bir müəssisədə necə qan verəcəyinizi başa salacaqlar. Proses tamamilə təhlükəsizdir və dondurulmuş qanınız ən azı bir ay saxlanıla bilər. Bu variantın açıq bir üstünlüyü ondan ibarətdir ki,­ öz qanınızdan istifadə olunduqda, qanda gizli infeksiyalara yoluxma riski tamamilə olmur.

Homoloji qan köçürülməsi başqasının qanının köçürülməsidir. Bu, ümumiyyətlə sizin tanımadığınız bir donorun qanıdır, lakin qanı uyğun gələn qohumlarınız və dostlarınız­ da xüsusi olaraq sizin üçün qan verə bilərlər. Mənşəyindən asılı olmayaraq, bütün donor qanı qanda gizli infeksiyalar üçün yoxlanılır.

Ən çətin hallarda,­ qan köçürülməsi üçün əməliyyatsonrası qanazlığı yüksək həddə olmazsa, lakin zəiflik davam edərsə, adətən qan göstəricilərinin normallaşmasına kömək edəcək dəmir preparatları təyin olunur­.